Կապանի նորընտիր ավագանու այսօրվա նիստը, ավագանու անդամների միաձայն քվեարկությամբ, անցկացվել է դռնփակ: Մեր տեղեկություններով` համայնքի ավագանին քվեարկել է մի նախագծի օգտին, որով կրճատվելու են քաղաքապետարանին ենթակա հաստատություններում գործող հաստիքները: Թվային տվյալներ ավագանու անդամներն ու քաղաքապետրանի պաշտոնյաները չեն հրապարակում` նշելով, որ նախագիծը վերջնականապես պատրաստ կլինի առաջիկա երկուշաբթի օրը: Նիստը վարել է քաղաքապետի տեղակալ Գագիկ Ղահրամանյանը, քանի որ քաղաքապետ` Արտուր Աթայանն աշխատանքային այցով Բելառուսում է: Օրակարգում մեկ հարց էր` աշխատակազմի, ինչպես նաեւ համայնքային բյուջետային հիմնարկների կառուցվածքը, հաստիքացուցակն ու պաշտոնային դրույքաչափերի հաստատումը: