2009 թվականին կառավարության նախատեսվող ծրագրով, Ղարաբաղի յուրաքանչյուր տան կարող են դիտել Արցախի եւ Հայաստանի հանրային հեռուստատեսությունների հաղորդումները, ինչպես նաեւ մի քանի այլ հայաստանյան եւ ռուսաստանյան հեռուստածրագրեր: Այս մասին այսօր հայտարարել է կառավարությանն առընթեր արտադրական ենթակառուցվածքների վարչության պետ Վալերի Բալայանը: Խոսքը կառավարության կողմից ընդունված «ԼՂՀ ռադիոհեռուստատեսության բնագավառում հեռարձակման զարգացման եւ թվային համակարգի ներդրման» ծրագրի մասին է, որն իրականացնելու նպատակով 2009թ. նախատեսվում է իրականացնել 250 մլն դրամի աշխատանքներ: 2011 թվականին, ըստ Վ.Բալայանի, Ղարաբաղում պատրաստ կլինեն անցնել թվային հեռուստատեսության: Վերոնշյալ երկու հեռուստաալիքների հեռարձակմամբ կառավարությունը նպատակ ունի ապահովել լրատվական անվտանգությունը: Տեղեկացնենք, որ ներկայումս հանրապետության մի շարք բնակավայրերում դեռեւս այդ հեռուսածրագրերը դիտելու հնարավորություն չկա: