Երեկ` ժամը 23.35-ին ստացված ահազանգի համաձայն` Կոտայքի մարզի «Հրազդան» ՀԷԿ-ի հարակից տարածքում` Հրազդան-Սևան ջրանցքի կամուրջի մոտ հայտնաբերվել է քաղաքացի Վլադիկ Մաթևոսյանի զգեստը, իսկ վերջինս հնարավոր է ընկած լինի ջրանցքը:

Դեպքի վայր են մեկնել Կոտայքի Մարզային փրկարարական վարչության փրկարար ջոկատը եւ Սևանի ջրափրկարարական ծառայության օպերատիվ խումբը: 

Դեպքի վայրում են գտնվել ՀՀ Արտակարգ իրավիճակների նախարար Ա. Երիցյանը եւ այլ պաշտոնական անձինք:

 Ժամը 02.00-ին փրկարարների ուժերով ջրանցքից դուրս է բերվել և հանձնվել ոստիկանության աշխատակիցներին Կոտայքի մարզի Հրազդան քաղաքի բնակիչ 1956թ. ծնված Վլադիկ Մաթևոսյանի դին: