Այսօր ԼՂՀ նախագահ Բակո Սահակյանի մոտ տեղի է ունեցել խորհրդակցություն` նվիրված դատաիրավական համակարգում տիրող վիճակին եւ ընթացող բարեփոխումներին: Այս մասին հայտնում է Արցախի նախագահի աշխատակազմի տեղեկատվության գլխավոր վարչությունը: Աղբյուրի փոխանցմամբ` նախագահը կարեւորել է դատական դեպարտամենտի ինստիտուտի կայացման անհրաժեշտությունը, որը կնպաստի ոլորտում աշխատանքների արդյունավետության բարձրացմանը: Բակո Սահակյանը միաժամանակ ընդգծել է դատարիավական համակարգում համապատասխան բարոյահոգեբանական մթնոլորտի ձեւավորմանն ուղղված աշխատանքների շարունակման, ինչպես նաեւ այդ մարմիների տարեկան աշխատանքների հրապարակային ամփոփման անհրաժեշտությունը: Երկրի ղեկավարը նշել է, որ պետք է արագացնել դատական մարմինները Շուշի քաղաք տեղափոխելու նպատակով իրականացվող աշխատանքները: