Երեկ կեսգիշերին ոստիկանները Քաջազնունու փողոցի թիվ 6 շենքի հարեւանությամբ հայտնաբերել են վթարի ենթարկված ավտոմեքենա: Մետաղյա աղբարկղներին բախված «Ֆորդ Էքսպեդիշն» մակնիշի մեքենայի վարորդի նստելատեղին եղել է 35-ամյա Արմեն Սահրադյանի դիակը` ոտքերի եւ կրծքավանդակի ձախ մասում ստացած հրազենային վնասվածքների հետքերով: «Զննությամբ դեպքի վայրից հայտնաբերվել են 9 մմ տրամաչափի 2 գնդակ, նույն տրամաչափի 3 պարկուճ, 6,35 մմ տրամաչափի 3 փամփուշտ եւ 2 պարկուճ: Կատարվում է նախաքննություն»,- տեղեկացնում է ոստիկանության մամլո ծառայությունը: