Դեկտեմբերի 9-10-ը Ստեփանակերտում տեղի կունենա «Մարդու իրավունքների պաշտպանությունը սահմանադրական արդարադատության պրակտիկայում» թեմայով ԼՂՀ Սահմանադրության օրվան եւ մարդու իրավունքների համընդհանուր հռչակագրի 60-ամյակին նվիրված համատեղ կոնֆերանս, որը նախաձեռնել են ՀՀ Սահմանադրական իրավունքի կենտրոնը, ԼՂՀ Ազգային ժողովի պետաիրավական հարցերի մշտական հանձնաժողովը, Արդարադատության նախարարությունը եւ Գերագույն դատարանը: Ծրագրի համաձայն, միջոցառմանը կմասնակցեն ՀՀ Սահմանադրական դատարանի նախագահը, գլխավոր դատախազը, Երեւանի պետական համալսարանի եվրոպական եւ միջազգային իրավունքի ամբիոնի վարիչը, սահմանադրական դատարանի անդամներ: