ԱՄՆ պետքարտուղարի օգնական Դենիել Ֆրիդն այդ մասին ասել է այսօր` Հելսինկիում ԵԱՀԿ Նախարարական հանդիպման շրջանակներում կայացած ճեպազրույցում: «Մեդիամաքս» գործակալության հատուկ թղթակցի հաղորդմամբ` դիվանագետն ասել է, թե «կան նաեւ այլ սկզբունքներ, եւ Մինսկի խմբի աշխատանքը կայանում է հենց նրանում, որ բոլոր սկզբունքներն այնպես միացվեն, որպեսզի խուսափենք բանավեճերից եւ հասնենք ամենակարեւորին` կարգավորմանը: Մինսկի խումբը կոնկրետ առաջարկություններ է արել, օրինակ` շփման գծից դիպուկահարներին հեռացնելը: Մենք պետք է խուսափենք հռետորական սպառնալիքների բոլոր դրսեւորումներից, եւ ես ԵԱՀԿ Մինսկի խմբի բոլոր համանախագահներին եւ Հայաստանի ու Ադրբեջանի կառավարությանն առաջարկում եմ տեսական հարցերի քննարկման փոխարեն աշխատել կարգավորման հասնելու ուղղությամբ, որը երբեք այսքան մոտ չէր եղել»: