«Ջիլիզայի անտառնտնտեսության» մասնաճյուղի տնօրեն Ա. Բարոյանը «Հետքի» հոդվածի վերաբերյալ «Հայանտառ» ՊՈԱԿ-ի տնօրեն Մարտուն Մաթևոսյանին պարզաբանում է ուղարկել` հերքելով «Հետքում» տպագրված տեղեկություններն ու լուսանկարները. «Նշված տարածքը գտնվում է «Ջիլիզայի անտառտնտեսության» մասնաճյուղի Խոժոռնու անտառապետության թիվ 5 պահաբաժնի 9-րդ քառակուսում, հանդամաս 25, որտեղ թիվ 001886 տոմսով կատարվում են անցումային հատումներ: Փայտանյութի բաց թողումը կատարվում է տնտեսության աշխատակիցների հսկողության ներքո` ինքնապատրաստման եղանակով: Ինչ վերաբերում է տնակին, ապա դա անտառապահի տնակն է»:

Չնայած Ա. Բարոյանի այս հերքմանը՝ գրությանը կից «Հայանտառից» «Հետքին» տեղեկացնում են, որ հրապարակված հոդվածի կապակցությամբ ներկայումս «Ջիլիզայի անտառտնտեսություն» մասնաճյուղում իրավապահ մարմինները և Բնապահպանական պետական տեսչությունն իրականացնում են ստուգումներ: Ստուգումների արդյունքների մասին «Հայանտառը» խոստանում է տեղեկացնել լրացուցիչ:

«Ջիլիզայի անտառտնտեսության» տնօրենի պնդումը, թե տարածքում «Ջիլիզայի անտառտնտեսության» աշխատակիցները հսկողություն են իրականացնում, չի համապատասխանում իրականությանը: «Ջիլիզայի անտառտնտեսության» պետը սուտ տեղեկություններ է տրամադրել իր վերադասին:

Իրավապահ մարմինները նույնիսկ այս պահին, եթե ցանկանան, մի քանի րոպեի ընթացքում կարող են ինտերնետի միջոցով տեսնել, թե ինչպիսի հատումներ են ընթանում Ջիլիզայի անտառներում, և ինչպիսի բացատներ են առաջացել վերջին մեկ ամսվա ընթացքում: