Երեկ` ժամը 14.55-ին, ոստիկանության Կենտրոնականի բաժնում ահազանգ է ստացվել, որ Հայաստանի նկարիչների միության նկարադարանից կատարվել է գողություն է: «Մեկնած օպերատիվ խումբը պարզել է, որ հունվարի 9-12-ն ընկած ժամանակահատվածում, հարմարեցված բանալիով մուտքի դուռը բացելու միջոցով, նշված նկարադարանից գողացել են տարբեր հեղինակների 7 նկարներ: Կատարվում է նախաքննություն»,- տեղեկացնում է ոստիկանության մամլո ծառայությունը: