Տեսանյութեր
Լուսանկարներ
Միջգերատեսչական հանձնաժողովի նիստ` պաշտպանության նախարարությունում
Այսօր Պաշտպանության նախարարությունում, Սեյրան Օհանյանի գլխավորությամբ, գումարվել է Աֆղանստանից խորհրդային զորքերի դուրս բերման 20-ամյակի կապակցությամբ հոբելյանական միջոցառումների կազմակերպաման և անցկացման միջգերատեսչական հանձնաժողովի հերթական նիստը: Քննարկվել են միջոցառումների նախապատրաստական աշխատանքների եւ դրա շրջանակներում Հայաստան կատարվելիք այցերի մանրամասները: Այս մասին տեղեկացնում է ՊՆ մամլո գրասենյակը:
Հաստատվել է իրականացվելիք հոբելյանական միջոցառումների ծրագիրը, որը նախատեսում է ցուցահանդես` «Աֆղանական պատերազմը» խորագրով, հանդիպումներ զինծառայողների, ռազմամարզական վարժարանների սաների, հանրակրթական դպրոցների ուսուցչական կոլեկտիվների եւ աշակերտների հետ: Նախատեսվում է նաեւ աֆղանական պատերազմի և արցախյան ազատամարտի վետերանների համատեղ այցելություններ մայրաքաղաքում, մարզային կենտրոններում եւ համայնքներում պատերազմում զոհվածների հիշատակին կանգնեցված հուշարձաններին, «Եռաբլուր» զինվորական պանթեոն եւ «Հաղթանակ» զբոսայգի: Կկազմակերպվեն արխիվային տեսաֆիլմերի և տեսանյութերի ցուցադրություն, համերգային միջոցառումներ, սուրբ պատարագի մատուցում սբ. Գ. Լուսավորիչ եկեղեցում, ինչպես նաև հանդիպում ԶԼՄ ներկայացուցիչների հետ:
Սեյրան Օհանյանն ընդգծել է նման միջոցառումների կարևորությունը` նշելով, որ դրանք նպաստում են մատաղ սերնդի ռազմահայրենասիրական դաստիարակության բարձրացմանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել