ԱԺ նախագահ Հովիկ Աբրահամյանը այսօր ընդունել է Հայաստանում Եվրոպայի Խորհրդի գլխավոր քարտուղարի հատուկ ներկայացուցիչ Սիլվիա Զեհեին: Ինչպես տեղեկացնում է ԱԺ հասարակայնության հետ վարչությունը, հանդիպման ընթացքում քննարկվել են 2009 թվականին Ազգային ժողովի և Եվրախորհրդի համագործակցությանն առնչվող հարցեր: Հովիկ Աբրահամյանը նշել է, որ բազմաթիվ ծրագրեր ու մեծ անելիքներ կան այս տարում: Նա անդրադարձել է նաև ԵԽ մոնիտորինգի հանձնաժողովի համազեկուցողների այցին Հայաստան` նշելով մեր երկրին առնչվող ԵԽԽՎ 1609 և 1620 բանաձևերի կատարման ուղղությամբ արված քայլերը: