«Բարձրագույն եւ հետբուհական մասնագիտական կրթության մասին» ՀՀ օրենքում փոփոխություններ կատարելու վերաբերյալ օրինագծին կառավարությունն այսօր տվել է հավանություն, եւ այն կներկայացվի Ազգայի ժողովի քննարկմանը։ Այս մասին հայտնում է կառավարության կայքէջը: Նախագծով առաջարկվում է վերացնել բուհերում կրթությունն ընդհատած նախկին ուսանողների` իրենց ուսանողական իրավունքների վերականգնման համար 10 տարվա սահմանափակումը եւ սահմանել, որ 10 տարուց ավելի ժամկետով կրթությունն ընդհատած նախկին սովորողը կարող է վերականգնվել համապատասխան (ոչ ավարտական) կուրսում, եթե առարկայական տարբերությունների քանակը չի գերազանցում 8-ը։