ԱՄՆ Սենատի արտաքին գործերի կոմիտեն 16 կողմ եւ 1 դեմ ձայների հարաբերակցությամբ հաստատել է Հիլարի Քլինթոնի թեկնածությունն ԱՄՆ պետքարտուղարի պաշտոնում: Նրա նշանակումն այդ պաշտոնում Սենատն ամբողջ կազմով կհաստատի հունվարի 20-ին` ԱՄՆ նորընտիր նախագահ Բարաք Օբամայի երդմնակալությունից հետո: Այս մասին հաղորդում է «Ամերիկայի ձայն» լրատվության ծառայությունը: Հիշեցնենք, որ անցյալ տարվա ամռանը նախագահական քարոզարշավի ժամանակ Հիլարի Քլինթոնը հայտարարել էր, որ «Օսմանյան կայսրությունում հայ բնակչության դեմ կազմակերպված եւ իրականացված ողբերգական իրադարձությունները պարտավորեցնում են Կոնգրեսին ու ԱՄՆ նախագահին ճանաչել եւ հիշել Հայոց ցեղասպանությունը»: