Այսօր Ալավերդիում քաղաքապետարանի նախաձեռնությամբ անցկացվեց համաքաղաքային շաբաթօրյակ: Շաբաթօրյակին մասնակցում էին քաղաքի բոլոր հիմնարկ-ձեռնարկությունների աշխատանքային կոլեկտիվները: Նրանք մաքրեցին իրենց աշխատասենյակները, հիմնարկ-ձեռնարկությունների բակերը և պուրակները:

Ալավերդու քաղաքապետարանի աշխատակիցները մաքրեցին նաեւ Եղեռնի պուրակը: Ալավերդու քոլեջի 40-ից ավելի ուսանողներ կենցաղային աղբից մաքրեցին Ալավերդու միջնադարյան հնագույն պատմամշակութային հուշարձաններից մեկը' Քարե կամուրջը:

Ինչպես «Հետքին» տեղեկացրին շաբաթօրյակի պատասխանատուները, շաբաթօրյակին մասնակցել են Ալավերդու քաղաքապետարանի ենթակայության հիմնարկների ավելի քան 300 աշխատողներ:

Շաբաթօրյակին մասնակից քաղաքի մյուս հիմնարկների աշխատողների հաշվառում չէր կատարվել: Շաբաթօրյակի ընթացքում քաղաքից հանվել է 14 ավտոմեքենա աղբ: Շաբաթօրյակին չէին մասնակցում Ալավերդու բնակելի շենքների բնակիչները