Կապանի քաղաքապետ Արտուր Աթայանը «Հայջրմուղկոյուղու» կառավարումը ստանձնած ֆրանսիական «Սոուր» կազմակերպության կառավարիչ Պատրիկ Լորենին առաջարկել է ներդրումներ անել քաղաքի ջրամատակարարման ցանցը բարելավելու համար: Հակառակ դեպքում քաղաքապետը հատուկ առաջարկությամբ դիմելու է կառավարությանը` Կապանի ջրամատակարարման ցանցը համայնքի ենթակայությանը վերադարձնելու համար: Պատրիկ Լորենը նշել է, որ առայժմ միջոցներ չկան ներդրումներ անելու համար, քանի որ առնվազն 10 մլն դոլար է պետք ցանցը լիովին վերափոխելու համար: Քաղաքապետն առաջարկել է գոնե ամսական 3-4 մլն դրամ ներդրում կատարել: Միաժամանակ, Արտուր Աթայանը նշել է, որ իրականությանը չի համապատասխանում այն տեղեկատվությունը, թե կապանցիները 15-18 ժամ ջուր են ստանում: