Անցած տարի Գորիսում 48 զինվորական ընտանիքի հատկացվել է բնակարան: Առաջին չորս բնակարանը կառուցվել եւ շահագործման է հանձնվել Խնձորեսկում, հաջորդ չորս բնակարանը` Գորիս քաղաքի Շորի ձոր թաղամասում: Ամանորին էլ բնակարանամուտ են տոնել եւս 40 ընտանիք: Գորիս քաղաքի Վանքի տափ թաղամասի 7ա եւ 7բ շենքերը, որոնցում գտնվում են այդ բնակարանները, կառուցվել են ՀՀ պաշտպանության նախարարության պատվերով: