Ձեւավորվել է քաղաքաշինական խորհուրդ
Հետքը Ազգային ժողովի ՀՅԴ խմբակցության պատգամավոր Լիլիթ Գալստյանից տեղեկացավ, որ 2008թ դեկտեմբերի վերջին Քաղաքաշինության նախարարության հովանու ներքո ձեւավորվել է քաղաքաշինական խորհուրդ:
Խորհուրդի անդամներն են ճարտարապետներ եւ անվանի մարդիկ, իսկ այն կղեկավարի քաղաքաշինության նախարար Վարդան Վարդանյանը, ում նախաձեռնությամբ էլ այն ձեւավորվել է:
Խորհուրդը ձեւավորվել է Լ. Գալստյանի` ՀՀ վարչապետին հղված նամակից հետո: Նամակում պատգամավորը նշել էր Երեւան քաղաքում ընթացող ապօրինի, քաղաքաշինական կոպիտ նորմերի խախտումով իրականացվող շինարարությունների, ինչպես նաև քաղաքաշինությանն առնչվող հայեցակարգային հարցերի մասին:
Լ. Գալստյանը նամակում մասնավորապես մատնանշել էր ապօրինի շինությունների հասցեներ մայրաքաղաքի կենտրոնում։
Պատգամավորը ասում է, որ «Հին Էրիվան» ռեստորանը, որը զավթել էր Հյուսիսային պողոտայից մի հատված եւ կառուցել արագ սննդի օբյեկտ` քանդելով Թումանյան փողոցի մայթի մի հատվածը, արդեն սկսել է քանդել իր առանց շինթույլտվության կառույցի մի մասը:
Բյուզանդի 107 հասցեում գտնվող Մուշեղ Իշխանի անվան դպրոցին պատակից շենքի շինարարությունն էլ դադարեցվել է:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել