Այսօր` ժամը 15:30-ի սահմաններում, Ալավերդի-Վանաձոր ճանապարհահատվածի 10-րդ կմ-ում միմյանց են բախվել «ԳԱԶ 31-10» և «ՎԱԶ 21-03» մակնիշի ավտոմեքենաները:

Ոստիկանության 5-րդ սպայական վաշտի ոստիկանության լեյտենանտ, հետաքննության գծով տեսուչ Մխիթար Գիշյանը դեպքի վայրում «Հետքին» հայտնեց, որ վթարի հետևանքով տուժածներ չկան:

«Վթարի մեղավորը կպարզվի հետաքննությունից հետո: Հիմա դեռևս չեմ կարող ասել՝ ինչի հետևանքով է առաջացել վթարը»,- ասաց հետաքննության գծով տեսուչը: