ՀՀ Նախագահ, "Հայաստան" համահայկական հիմնադրամի հոգաբարձուների խորհրդի նախագահ Սերժ Սարգսյանը ստորագրել է Հիմնադրամի նախագահության որոշում` գործադիր վարչության տնօրենի պարտականությունները Արա Վարդանյանի վրա դնելու մասին: Որոշումն ընդունվել է` հիմք ընդունելով 2008թ. հոկտեմբերի 13-ին հայտարարված մրցույթի արդյունքները: Արա Վարդանյանը Հիմնադրամում աշխատում է 2004 թվականից` առաջին երկու տարիները որպես Հիմնադրամի արտաքին հարաբերություների բաժնի ղեկավար, այնուհետեւ` որպես փոխտնօրեն: 2008թ. հունիսից հանդիսանում է "Հայաստան" համահայկական հիմնադրամի գործադիր տնօրենի պաշտոնակատար: