Տեսանյութեր
Լուսանկարներ
Պետական պահուստի ձեւավորման առաջին քայլերը
Պետական պահուստի ձեւավորման միջոցառումների շրջանակներում այսօր ԼՂՀ կառավարության նիստում հաստատվեց պետական պահուստի նյութական արժեքների անվանացանկը, դրանց կուտակման նորմաները, ամբարվելիք եւ չնվազող պաշարների քանակը:
Նյութական արժեքների անվանացանկում ընդգրկված են պարենային տարբեր ապրանքներ, ինչպես նաեւ բենզին, դիզվառելիք եւ այլն: Ինչպես որոշման նախագիծը ներկայացնելուց նշեց ԼՂՀ տնտեսական զարգացման նախարար Բենիկ Բաբայանը, շուտով կառավարության հաստատմանը կներկայացվի նաեւ անհրաժեշտ դեղամիջոցների անվանացանկը:
Նախարարի հավաստմամբ, պահուստի ձեւավորման առաջին քայլն արդեն կարվի առաջին եռամսյակում` հիմնականում նավթամթերքների մասով:
Հիշեցնենք, որ պետական պահուստի ձեւավորման նպատակով այս տարի պետբյուջեով նախատեսված է 150 մլն դրամ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել