Վեյկ-ան-Զեում անցկացվող շախմատի  Corus Chess-2009 գերմրցաշարի ավարտից երեք տուր առաջ   Լևոն Արոնյանը 6,5 միավորով միանձնյա առաջատարն է: Սա հնարավոր դարձավ 10-րդ տուրում անգլիացի գրոսմայստեր Մայքլ Ադամսի նկատմամբ ունեցած հաղթանակից հետո: Այս մասին  հաղորդում է մրցաշարի պաշտոնական կայքը։ Արոնյանին 6 միավորով հաջորդում է Կարյակինը, 5,5-ական միավորով՝ Ռաջաբովը, Դոմինգեսը, Մովսեսյանը, 5-ական միավոր են հավաքել Վան Վելին և Սմիթսը, 4,5-ական միավոր ունեն Վան Յուեն, Ադամսը, Կամսկին և Իվանչուկը, 4 միավոր՝ Սթելվագենը և 3,5-միավոր՝ Մորոզևիչը։ Վեյկ-ան-Զեի մրցաշարն աշխարհի հնագույն և հզորագույն շախմատային մրցաշարերից է, անցկացվում է ամեն տարի՝ սկսած 1937 թվականից։