Օգոստոս ամսվա դրությամբ Երևանում գործող հանրային սննդի օբյեկտներից 126-ն առանձնացված տարածքներ է ապահովել ծխելու համար, այդ թվում 38 հանրային սննդի օբյեկտ՝ Կենտրոն վարչական շրջանում, 29՝ Արաբկիրում, 9՝ Շենգավիթում, 8-ը՝ Նորք-Մարաշում, 7-ը՝ Ավանում և այլն:

Երևանի քաղաքապետարանի աշխատակազմի տեղեկատվության և հասարակայնության հետ կապերի վարչության հաղորդմամբ՝ ծխելու համար առանձնացված տարածքներ, հատվածներ կամ գոտիներ կազմակերպելու առաջարկ էր արվել մայրաքաղաքում ավելի քան 750 հանրային սննդի ծառայություններ իրականացնողի՝ Երևան քաղաքի հանրային սննդի օբյեկտներում ծխախոտի օգտագործման սահմանափակումների մասին քաղաքապետի մայիսի 17-ի որոշման հիման վրա: