Երեկ, ժամը 01.30-ի սահմաններում, Մոսկվա-Երեւան թիվ 515 չվերթի ուղեւորներ` 41-ամյա ՌԴ քաղաքացի Արա Վ.-ն եւ 32-ամյա Ռազմիկ Խ.-ն, թռիչքի ընթացքում մոտ 30 րոպե խանգարել են օդանավի անձնակազմի աշխատանքը, որի ժամամակ Արա Վ.-ն հայհոյանքներ է տվել անձնակազմի եւ ուղեւորների հասցեին: «Արա Վ.-ն եւ Ռազմիկ Խ.-ն բերման են ենթարկվել բաժին, կատարվում է հետաքննություն»,- տեղեկացնում է ոստիկանության մամլո ծառայությունը: