Տեսանյութեր
Լուսանկարներ
Ս.Օհանյանը ժամացույց է նվիրել հատուկ նշանակության բրիգադի զինվորին
Երեկ ՀՀ պաշտպանության նախարար Ս.Օհանյանն այցելել է Նուբարաշենում տեղակայված ՀՀ ՊՆ հատուկ նշանակության բրիգադ:
Ինչպես միշտ, այս անգամ էլ նախարարի ուշադրության կենտրոնում էին զինծառայողների սոցիալ-կենցաղային պայմանները:
Ս.Օհանյանը շրջել է զորանոցում, ծանոթացել զինծառայողների զորանոցային պայմաններին, ստուգել դասացուցակների առկայությունը, ինչպես նաև վերջիններիս համաձայն անցկացվող պարապմունքների և միջոցառումների ցանկը:
Ապա նախարարը զորամասի շարահրապարակում անձնակազմի առջև հանդես է եկել ելույթով, որի ընթացքում ողջունել է զինծառայողներին, շնորհավորել վերջիններիս` ՀՀ բանակի կազմավորման 17-րդ տարեդարձի կապակցությամբ` իր խոսքում կարևորելով հետախուզական և հատուկ նշանակության ստորաբաժանումների դերը զինված ուժերում:
Միջոցառումն ավարտվել է շարահրապարակում անձնակազմի հանդիսավոր քայլերթով, որից հետո Ս.Օհանյանը եղել է զորամասի պահակատանը, ծանոթացել պահակային ծառայության իրականացման պայմաններին: Նախարարը զրուցել է նաև պահակային ծառայություն իրականացնող զինվորների հետ, և ֆունկցիոնալ պարտականությունները լավագույնս իմացող զինվորներից մեկին, որպես խրախուսանք, նվիրել ՀՀ զինված ուժերի խորհրդանիշով ժամացույց:
Այնուհետև Ս.Օհանյանը ներկա եղավ զորամասի սպայակազմի հետ ակումբում կազմակերպված հանդիպմանը, որի ընթացքում վերջիններիս հետ զրուցեց ծառայողական խնդիրների շուրջ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել