Ստեփանակերտի Արմինե Փակումեանի անվան քաղաքային պոլիկլինիկայում այսուհետ կգործի աչքի հիվանդությունների հետազոտման եւ ախտորոշման հատուկ կաբինետ, որի համար առողջապահության նախարարության նախաձեռնությամբ օրերս ձեռք բերվեց «Էխոսքան» սարքավորում: Նոր կաբինետի ծառայությունից կօգտվեն ոչ միայն Ստեփանակերտի, այլեւ հանրապետության բոլոր բնակիչները, սակայն կաբինետի ծառայությունների սակագները դեռ հստակ չեն: Նախարար Արմեն Խաչատրյանը համոզված է, որ այսուհետ կտրուկ կնվազի աչքի հիվանդությունների բուժման նպատակով Երեւան գնացողների հոսքը: Տեղեկացնենք, որ Երեւան գնացողները ոչ միայն աչքի հիվանդությունների հետազոտման համար են գնում, այլեւ մի շարք այլ հիվանդությունների, իսկ պատճառը ոչ միայն պայմանների եւ համապատասխան սարքավորումների բացակայությունն է, այլ նաեւ արհեստավարժ մասնագետների պակասը: