Տեսանյութեր
Լուսանկարներ
Ավարտվել է Ս. Սարգսյանի այցը Մոսկվա
Հավաքական անվտանգության պայմանագրի կազմակերպության (ՀԱՊԿ) Կոլեկտիվ անվտանգության խորհրդի նիստի ավարտից հետո Նախագահ Սերժ Սարգսյանը Մոսկվայում մասնակցել է Եվրասիական տնտեսական ընկերակցության (ԵՎՐԱԶԵՍ) Միջպետական խորհրդի արտահերթ նիստի աշխատանքներին:
Ինչպես հաղորդում է Նախագահի մամլո գրասենյակը, բանակցություններն ընթացել են պետությունների ղեկավարների մակարդակով, ապա շարունակվել ընդլայնված կազմով: Հայաստանի Հանրապետությունն այդ կառույցում ունի դիտորդի կարգավիճակ: ԵՎՐԱԶԵՍ-ի Միջպետական խորհրդի նիստում քննարկվել եւ անդամ պետությունների ղեկավարների կողմից ստորագրվել են 10 մլրդ դոլար կապիտալով հակաճգնաժամային հիմնադրամ ստեղծելու, ինչպես նաեւ բարձրագույն տեխնոլոգիաների միջազգային կենտրոն հիմնադրելու մասին որոշումները:
Հայաստանի Հանրապետության Նախագահ Սերժ Սարգսյանի, Ռուսաստանի Դաշնության Նախագահ Դմիտրի Մեդվեդեւի եւ Բելառուսի Նախագահ Ալեքսանդր Լուկաշենկոյի` ՀԱՊԿ-ի եւ ԵՎՐԱԶԵՍ-ի նիստերի աշխատանքն ամփոփող համատեղ մամուլի ասուլիսով ավարտվել է Հանրապետության Նախագահի աշխատանքային այցը Մոսկվա:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել