Այսօր տեղի է ունեցել 52 շաբաթ մարման ժամկետով պետական (գանձապետական) կարճաժամկետ (AMGT52042106) թողարկման պարտատոմսերի տեղաբաշխման աճուրդ, որի ծավալը կազմել է 1 մլրդ 500 մլն դրամ: Այս մասին տեղեկացնում է Ֆինանսների նախարարության տեղեկատվության և հասարակայնության հետ կապերի բաժինը: Պարտատոմսերի պահանջարկը եղել է 1 մլրդ 788 մլն դրամի, որից մրցակցայինը կազմել է նույն գումարի չափով: Տեղաբաշխումից ստացված հասույթը կազմել է ավելի քան 1 մլրդ 365 մլն 675 հազար դրամ: Տեղաբաշխման միջին կշռված եկամտաբերությունը մոտ 9.7 տոկոս է, իսկ սահմանային եկամտաբերությունը` մոտ 10: Աճուրդին մասնակցել է 9 դիլեր: