Լոռեցի տղամարդիկ  սովորաբար կանանց արոտ չեն վստահում: 1988թ. Դաշքեսանից Մեծ Այրում գաղթած Գոհար Կարապետյանը Թումանյանի տարածաշրջանի միակ կին հովիվն է: Իսկ Գոհարի հովիվ դառնալն ունի իր պատճառները: «Համարյա 20 տարի է` ապրում եմ Մեծ Այրումում: Թոշակ ու նպաստ չեմ ստանում: Ընտանիքս 4 անձից է ոչ մեկս չենք աշխատում: Երեք -չորս օրը մեկ անգամ եմ հովիվ կագնում: Ոչխարատերերը օրը 700-3000 դրամ են հավաքում և տալիս ինձ: Ամսեկան 20 հազար դրամ եմ վաստակում, դրանով էլ մի կերպ յոլա եմ տանում ընտանիքս»,- բացատրեց ընտանիքի միակ աշխատողը: