Բռնադատվածի կարգավիճակ` 13 հոգու
2008 թվականին ԼՂՀ-ում աշխատանք է տարվել բռնադատվածի կարգավիճակ ունեցող անձանց եւ նրանց առաջին հերթի ժառանգներին պարզաբանումներ տալու, ստացված դիմումները հաշվառելու եւ ընթացքավորելու, համապատասխան կարգավիճակ ստացած անձանց վկայականները պատրաստելու ուղղությամբ:
ԼՂՀ արդարադատության նախարար Նարինե Նարիմանյանն այսօր հրավիրած մամուլի ասուլիսի ընթացքում տեղեկացրեց, որ 2008-ի ընթացքում հրավիրվել եւ անց է կացվել բռնադատվածի կարգավիճակ ունեցող անձանց եւ նրանց առաջին հերթի ժառանգներին վկայականներ տվող հանձնաժողովի 3 նիստ, որի արդյունքում 13 քաղաքացու շնորհվել է բռնադատվածի կարգավիճակ եւ տրվել համապատասխան վկայականներ:
Ընդհանուր առմամբ, Ղարաբաղում բռնադատվածի կարգավիճակ ունեն 197 քաղաքացիներ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել