![](/static/articles/34/92/l-RfvV2OnDjA.jpg)
«Հայկական ժամանակ». Հազար ու մի բան
Երեկ ՀՀ պետեկամուտների կոմիտեն հրապարակեց այս տարվա առաջին կիսամյակում հազար խոշոր հարկատուների կողմից վճարված հարկերի մասին տեղեկանքը: Ըստ այդմ` ամենամեծ հարկատուն Զանգեզուրի պղնձամոլիբդենային կոմիբինատն է:
Այս ընկերությունը վճարել է ավելի քան 15 մլրդ դրամի հարկ: Սա ուշագրավ է նրանով, որ 1000 խոշոր հարկատուները միասին այս տարի վճարել են ընդամենը 23 միլիարդ դրամով ավելի, քան անցած տարվա առաջին կիսամյւակում: Այլ կերպ ասած` հարկերի ծավալների աճի մոտ 45 տոկոսը ապահովել է միայն մի ընկերություն, այն էլ միայն գունավոր մետաղների համաշխարհային գների աճի շնորհիվ:
Սա ցույց է տալիս Տիգրան Սարգսյանի` մեր տնտեսության մեջ իրականացրած «դիվերսիֆիկացիայի» և «արդյունաբերական աճի» արդյունքները:
Հարկատուների ցանկի երկրորդ հորիզոնականը զբաղեցնւմ է «Հայռուսգազարդը», որը վճարել է 12.7 մլրդ դրամ, իսկ հայտնի օլիգարխ Սամվել Ալեքսանյանի «Ալեքս գրիգը» երրորդն է` 8,1 մլրդ:
Պետք է նկատել, որ այս տարի մեր օլիգարխները աչքի չեն ընկել հարկերի ավելացմամբ:
Մեկնաբանել