Վարչապետը Տիգրան Սարգսյանը ԱԳՆ նախարար Էդվարդ Նալբանդյանից այսօր  հետաքրքրվեց , թե շրջանառության մեջ է արդյոք փաստաթուղթը, որը կներկայացնի մեր հիմնական պատասխաններն այն հիմնական հարցադրումներին, որոնք հաճախ հնչում են տարբեր միջազգային կոնֆերանսների ժամանակ։Վարչապետը  ասում է. «Պետական շատ ծառայողներ, որոնք տարբեր բնագավառների մասնագետներ են և հեռու են քաղաքականությունից, հաճախ միջազգային կոնֆերանսներում անհարմար վիճակի մեջ են ընկնում, երբ հնչում են Լեռնային Ղարաբաղի խնդրի կարգավորման հետ կապված հարցեր»։ Նա խորհուրդ է տվել, որպեսզի  նախարարություններին և գերատեսչություններին ուղարկվի  Հայաստանի պաշտոնական տեսակետները ներառող մի փաստաթուղթ, որպեսզի պետական տարբեր մակարդակի աշխատողները տեղյակ լինեն հնչող հարցերին տրվելիք պատասխաններից։ Արտգործնախարարը պատասխանել է, որ այդ փաստաթուղթն կազմված է եւ արդեն ուղարկվել է բոլոր նախարարություններին և գերատեսչություններին։ Էդվարդ Նալբանդյանը կառավարությունում ներկայացրեց այն նախագծերը, որոնք 2008թ չեն իրագործվել: «Դիվանագիտական ծառայության մասին օրենքում փոփոխություններ եւ լրացումներ կատարելու մասին» օրենքի նախագծի կատարման ժամկետները կառավարության կողմից փոխադրվել են 2009թ: Փոփոխություններ իրականացնելու համար դեսպանությունները ԱԳՆ-ն ներկայացրեցին իրենց կարծիքները: «Այդ կարծիքներից եկանք այն եզրակացության, որ բավականին խորը փոփոխություններ են պետք, քանի որ այդ օրենքն այսօր չի համապատասխանում ԱԳՆ-ի պահանջներին եւ դիվանագետների ծառայության հետ կապված հարցեր են առաջանում»,-ասում է Էդվարդ Նալբանդյանը եւ հավելում, որ օրենքում փոփոխություններն կիրականացվեն համապատասխան փորձագետների եւ ԱԳՆ-ի ուժերով: «Հողային օրենսգրքում փոփոխություն կատարելու մասին» կառավարության որոշման նախագծի 29-րդ կետը, որը վերաբերում է  դիվանագիտական ներկայացուցչությունների սեփականություններին, ենթակա է լրամշակման եւ նախատեսվում է իրականացնել 2009թ առաջին եռամսյակում: Փոփոխությունները ենթադրում են փոխանակում իրականացնել միջազգային կանոններով, այսինքն, եթե որեւէ պետություն Հայաստանին հող է հատկացնում, ապա Հայաստանն էլ պետք է հնարավորություն ունենա նման վարքագիծ դրսեւորել: Նախատեսվում է  2009թ լրամշակել Միջազգային պայմանագիր չհանդիսացող միջազգային բնույթի  փաստաթղթերի կնքման կարգը հաստատելու մասին կառավարության որոշումը, ինչպես նաեւ նախատեսվում է փոփոխություններ իրականացնել «Միջազգային պայմանագրերի մասին» օրենքում: ԱԳՆ-ն Կառավարությանը պետք է ներկայացներ ՀՀ Ազգային անվտանգության  ռազմավարության դրույթներով նախատեսված հայեցակարգը, սակայն կատարման ժամկետը տեղափոխվել է 2009թ-ի մարտի 15-ը: Քաղաքական ոլորտում ԱԳՆ-ն, ըստ զեկույցի, 2008-ին շարունակել է արտաքին անվտանգության հետագա ամրապնդմանը, երկրի զարգացման համար անհրաժեշտ արտաքին բարենպաստ պայմանների ու երաշխիքների ապահովմանը, համաշխարհային և տարածաշրջանային գործընթացներում ներգրավվածության խորացմանն ուղղված քաղաքական-դիվանագիտական ջանքերը։