Տեսանյութեր
Լուսանկարներ
Ս.Օհանյան. «Զինված ուժերը մեկ աստիճանով բարձրացրել են մարտունակությունը»
Պաշտպանության նախարար Սեյրան Օհանյանի հաշվետվությունը, որը նա ներկայացրեց այսօր կառավարությունում, բաղկացած էր երկու մասից` բաց եւ փակ: Լրագրողներին հնարավորություն տրվեց ունկնդրել միայն առաջին` բաց մասը:
«Զինված ուժերը ևս մեկ աստիճանով բարձրացրել են իրենց մարտունակությունն ու իրականացրել Հայաստանի և Ղարաբաղի սահմանների պաշտպանությունը»,- հայտարարել է պաշտպանության նախարար Սեյրան Օհանյանը։
Ըստ հաշվետվության` ՀՀ պաշտպանության նախարարության կենտրոնական ապարատի զինված ուժերի զորամիավորումների, միավորումների և զորամասերի պատրաստությունն իրականցվել է 2008թ. ուսումնական տարվա պատրաստության պլանի և նախարարի 2008թ. հունվարյան հրամանի պահանջների համաձայն։
Պատրաստության պլանային միջոցառումները հիմնականում կատարվել են, իսկ պլանային կարգով շարունակվեցին կատարելագործվել զորամիավորումների, զորատեսակների և նրանց ստորաբաժանումների մարտական և զորահավաքային պատրաստականությունը, շտաբային և հրամանատարական պատրաստությունը, զգալի աշխատանքներ կատարվեցին զինվորական կարգապահության եւ զորքերի ծառայության մակարդակի բարձրացման, առաջնային գծի ինժեներական կահավորման ուղղությամբ, իրականացվեց մուտք ՊՆ-ի նոր համալիր, ինչը Զինված ուժերի օպերատիվ եւ կենտրոնացված ղեկավարման համակարգի հնարավորություն ստեղծվեց:
Շարունակվեցին սպառազինության արդիականացման աշխատանքները: Ընդունվեց «Պաշտպանության նախարարության մասին» օրենքը եւ կառավարության որոշման համաձայն տարանջատվեցին Պաշտպանության նախարարության եւ Գլխավոր շտաբի գործառույթները եւ լիազորությունները:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել