Այսօր աշխատանքային այցով Հայաստան կժամանի ՌԴ գլխավոր դատախազության պատվիրակությունը՝ գլխավոր դատախազ Յուրի Չայկայի գլխավորությամբ: Այս մասին տեղեկացնում է ՀՀ գլխավոր դատախազության մամլո ծառայությունը: Այցի ընթացքում կքննարկվեն  ՀՀ եւ ՌԴ գլխավոր դատախազությունների միջեւ համագործակցության մասին 22.09.06թ. ստորագրված Համաձայնագրի շրջանակներում երկու պետությունների դատախազական մարմինների փոխգործունեությանը վերաբերող հարցեր: Նախատեսվում է, որ վաղը երկու երկրների գլխավոր դատախազները կստորագրեն ՀՀ եւ ՌԴ գլխավոր դատախազությունների միջեւ 2009-2011 թթ. համագործակցության հիմնական ուղղությունների մասին Հուշագիր: