Երեկ ոստիկանության Վանաձորի բաժնում անհայտ քաղաքացուց ահազանգ է ստացվել, որ Գրիգոր Նարեկացու փողոցի վերջնամասում գտնվող խորտկարանի աշխատակից Աշոտը պոռնկությամբ զբաղվելու համար տարածք է տրամադրում: «Պարզվել է, որ Գրիգոր Նարեկացու փողոցի թիվ 91 հասցեում գտնվող «Արջուկ» խորտկարանի տնօրենը` 54-ամյա Աշոտ Ա.-ն, 2008 թ. հոկտեմբեր-նոյեմբեր ամիսների ընթացքում, պոռնկությամբ զբաղվելու համար, նշված խորտկարանում սենյակ է տրամադրել 31-ամյա Մարինե Կ.-ին եւ 32-ամյա Արթուր Գ.-ին: Կատարվում է նախաքննություն»,- տեղեկացնում է ոստիկանության մամլո գրասենյակը: