Վրաստանի արտաքին գործերի նախարար Գրիգոլ Վաշաձեն փետրվարի 20-21-ը կայցելի Հայաստան: Այս մասին այսօր Թբիլիսիում տեղի ունեցած մամուլի ասուլիսի ժամանակ հայտարարել է ԱԳ փոխնախարար Դավիթ Ջալագանիան: Այցի ընթացքում նախատեսվում է քննարկել երկու պետությունների երկկողմանի հարաբերությունների խորացումը և համագործակցությունը: Սակայն մինչ Հայաստան ժամանելը  Գրիգոլ Վաշաձեն փետրվարի 17-18-ը կմեկնի Լեհաստան: Այս մասին հայտնում է «Գրուզիա Online» պարբերականը: