2007-ի համեմատ 2008 թվականին Ղարաբաղում աճել է ոչ միայն ծնունդների, այլեւ մահացությունների թիվը: Երեկ լրագրողներին ներկայացնելով ԼՂՀ 2008 թ. ժողովրդագրական տվյալները՝ Ազգային վիճակագրական ծառայության նախագահ Մանուշ Մինասյանը տեղեկացրեց, որ 2008-ին ծնվածների թիվն աճել է 12,7 տոկոսով, իսկ մահացածներինը` 7,3 տոկոսով: Մահացածների 31,1 տոկոսը մինչեւ 70 տարեկան անձինք են, 11,1 տոկոսը` 70-74, 18,1 տոկոսը` 75-79, 19 տոկոսը` 80-84, 19,7 տոկոսը` 85 եւ բարձր տարիքի: Մայրական մահացության դեպք տարվա ընթացքում չի արձանագրվել: Գրանցվել է մեռելածնության 18 դեպք, մինչեւ 1 տարեկան երեխաների մահացության` 33 դեպք: