Փետրվարի 3-ին, ժամը 20.30-ին, Երևանի Բարբյուսի փողոցի 65 շենքի 7-րդ հարկի բնակարանի մուտքի մոտ չարագործի հրազենից արձակված կրակոցներով սպանվեց ՀՀ ոստիկանության պետի տեղակալ, ոստիկանության գնդապետ Գևորգ Մհերյանը: Հարուցվել է քրեական գործ: Կատարվում է նախաքննություն: ՀՀ ոստիկանությունը դրամական խոշոր պարգեւ է խոստանում այն անձանց, ովքեր կարող են արժեքավոր տեղեկություն հայտնել հանցագործի (հանցագործների) ինքնության կամ դեպքի հանգամանքների վերաբերյալ: Տեղեկություններ ունեցողները կարող են զանգահարել 52-78-36, 52-77-46, 1-02 հեռախոսահամարներով կամ դիմել ոստիկանության մոտակա բաժին: Տեղեկատու անձանց գաղտնիությունը երաշխավորվում է: ՀՀ ոստիկանություն