ԱԺ պատվիրակությունը մեկնեց Երեւան
Ինչպես հայտնում են ԼՂՀ ԱԺ մամլու ծառայությունից, այսօր ավարտվեց ՀՀ Ազգային ժողովի նախագահ Հովիկ Աբրահամյանի գլխավորած ներկայացուցչական պատվիրակության երկօրյա աշխատանքային այցը Լեռնային Ղարաբաղ:
Արցախ-Հայաստան միջխորհրդարանական համագործակցության հանձնաժողովի հերթական նիստից հետո տեղի է ունեցել ՀՀ ԱԺ նախագահի առանձնազրույցը ԼՂՀ նախագահի հետ եւ ապա հանդիպումը շարունակվել է ընդլայնված կազմով:
Այսօր` Արցախի Վերածննդի օրը, պատվիրակության անդամներն այցելել են Ստեփանակերտի քաղաքային հուշահամալիր` հարգանքի տուրք մատուցելու Արցախյան ազատամարտում զոհվածների հիշատակին: Այնուհետեւ պատվիրակությունը մեկնել է Շուշի` այցելելով Հայ Առաքելական Եկեղեցու Արցախի թեմի առաջնորդարան ու Ղազանչեցոց Սուրբ Ամենափրկիչ եկեղեցի: Պատվիրակությունը Շուշիից մեկնել է Երևան:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել