Տեսանյութեր
Լուսանկարներ
Դարձյալ խախտվել է հրադադարի ռեժիմը
«Փետրվարի 18-ի լույս 19-ի գիշերը և այսօրվա ընթացքում ղարաբաղա-ադրբեջանական զորքերի շփման գոտու մի շարք հատվածներում արձանագրվել են հրադադարի ռեժիմի խախտման դեպքեր»,- հաղորդում է ԼՂՀ պաշտպանության նախարարության մամուլի ծառայությունը:
Հակառակորդը փոքր տրամաչափի հրաձգային զենքերից և դիպուկահար հրացաններից գնդակոծել է Հորադիզ, Կարախանբեյլի, Սեյիդահմեդլի, Կորգան, Լևոնարխ, Սեյսուլան և Թալիշ ուղղություններում տեղակայված ղարաբաղյան դիրքապահների հենակետերը:
ԼՂՀ պաշտպանության նախարարության տարածած հաղորդագրության համաձայն՝ Պաշտպանության բանակի առաջապահ ստորաբաժանումների ձեռնարկած պատասխան գործողություններից հետո հակառակորդը լռել է: Ադրբեջանական զինուժի մեղքով հրադադարի ռեժիմի խախտման արդյունքում ղարաբաղյան կողմը կորուստներ չի ունեցել:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել