Տեսանյութեր
Լուսանկարներ
Մարիո Նալբանդյանը հանդիպել է ԼՂՀ ԱԺ նախագահի տեղակալի հետ
Փետրվարի 23-ին ԼՂՀ Ազգային ժողովի փոխնախագահ Ռուդիկ Հյուսնունցն ընդունել է աշխատանքային այցով Արցախում գտնվող ՀՅԴ Բյուրոյի անդամ, սոցինտերնում ՀՅԴ ներկայացուցիչ Մարիո Նալբանդյանին:
Ողջունելով սփյուռքահայ քաղաքական գործչին, ԱԺ փոխնախագահը նրան շնորհավորեց վերջերս սոցինտերնի ԱՊՀ, Սեւծովյան եւ Հարավային Կովկասի տարածաշրջանների հարցերով կոմիտեի նախագահ ընտրվելու կապակցությամբ: Այս մասին տեղեկացնում է ԱԺ մամլո ծառայությունը:
Հանդիպմանը շոշափվեցին հարցեր` կապված Սփյուռք-Արցախ կապերի հետագա խորացման խնդրի հետ: Մասնավորապես, ընդգծվեց Լեռնային Ղարաբաղի հիմնախնդրի արդարացի լուծման շուրջ միջազգային կառույցներում, այդ թվում` սոցինտերնում, բարենպաստ մթնոլորտ ստեղծելու ուղղությամբ մի կողմից` ԼՂՀ-ի եւ ՀՀ պետական մարմինների, մյուս կողմից` սփյուռքահայ հասարակական ու քաղաքական կառույցների եւ գործիչների ջանքերը համակարգելու անհրաժեշտությունը:
Զրույցի մասնակիցները համակարծիք եղան նաեւ ղարաբաղյան հակամարտության կարգավորման գործընթացում խորհրդարանական եւ հանրային դիվանագիտությունն աշխուժացնելու անհրաժեշտության հարցում, այդ կապակցությամբ քննարկելով անելիքները, ուրվագծելով խնդրի իրագործման հնարավոր միջոցներն ու ձևերը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել