Այսօր ոստիկանության կազմակերպված հանցավորության դեմ պայքարի գլխավոր վարչություն դիմած քաղաքացին հայտնել է, որ 26 ք/մ բնակտարածքի սեփականության վկայականը ստանալու նպատակով դիմել է կադաստրի Նոր-Նորքի տարածքային ստորաբաժանման աշխատակիցներին, որոնք իրենից պահանջել են 2000 ԱՄՆ դոլար կաշառք: «Նոր-Նորքի 2-րդ զանգվածում` Գայի հուշարձանին հարակից տարածքում, քաղաքացուց 2000 ԱՄՆ դոլար կաշառքը ստանալուց հետո բռնվել են Նոր Նորքի կադաստրի տարածքային ստորաբաժանման առաջատար մասնագետ Աշոտ Հարությունյանը եւ նույն բաժնի գլխավոր մասնագետ Արամ Աջաբխանյանը: Փաստի առթիվ նախապատրաստվում են նյութեր»,- հաղորդում է ոստիկանության մամլո ծառայությունը: