2011թ. օգոստոսի 5-ին ՀՀ բնապահպանության նախարարության  «Թեժ գծով» ստացվել  էր ահազանգ այն մասին, որ Հրազդան-Հանքավան հատվածում, Մարմարիկ գյուղի մոտակայքում (ժողովրդական լեզվով ասած՝ Զանգելու բլուրի վրա) ծառեր են հատվել:

 Ի պատասխան ահազանգի, ՀՀ բնապահպանության նախարարության աշխատակազմի բնապահպանական պետական տեսչությունը տեղում կատարել է ուսումնասիրություն, որի արդյունքում հաստատվել է ծառահատման փաստը` թվով 28 սոճենի:

Կազմվել է համապատասխան արձանագրություն: Այնուհետև կատարվել է բնապահպանական իրավախախտումների հետևանքով բուսական աշխարհին պատճառած վնասի հաշվարկ, որը կազմել է 2,263 մլն. դրամ:

ՀՀ ԲՆ հասարակայնության հետ կապերի բաժինը տեղեկացնում է, որ  Բնապահպանական պետական տեսչությունը գործի հետ առնչվող նյութերն ուղարկել է Կոտայքի մարզային ոստիկանություն`  օրինախախտներին հայտնաբերելու և  վնասը  փոխհատուցելու  նպատակով:

Լուս.` Սամվել Մարտիրոսյանի