Սյունիքի մարզպետարանի աշխատակազմի երեխաների իրավունքների պաշտպանության բաժնի ամփոփագրի համաձայն` մարզում հաշվառված է երկկողմանի ծնողազուրկ 52 երեխա: Բաժնի կողմից տրված եզրակացությունների հիման վրա 2008 թ. 7 երեխա տեղավորվել է մանկատներում, իսկ որպես որդեգրողի թեկնածուներ հաշվառվել են 10 անձինք:

Կրթության առանձնահատուկ պայմանների կարիք ունեցող երեխաներին տրվել է եզրակացություն` մարզի 4 հատուկ դպրոցներում սովորելու համար: Միաժամանակ, եզրակացությունների հիման վրա 29 երեխաներ ԿԳ նախարարության կողմից ուղեգրվել են «Կապանի երեխաների խնամքի և պաշտպանության գիշերօթիկ հաստատություն»: Ինչպես տեղեկացրեց բաժնի պետ Նաիրա Ավանեսյանը, մարզում մուրացիկ երեխա հաշվառված չէ, բայց հաշվառված է 10 իրավախախտ անչափահաս: Վերջիներիս հետ ամենամսյա պրոֆիլակտիկ աշխատանքներ են կազմակերպվում բաժնի մասնագետների և ոստիկանության աշխատակիցների հետ միասին: