Երեկ ոստիկանության Քանաքեռ-Զեյթունի բաժնի աշխատակիցները բերման են ենթարկել 1993 թ. ծնված, 10-րդ դասարանի աշակերտ Զավեն Վ.-ին: Պարզվել է, որ չորս ամիս առաջ վիճաբանության ժամանակ նա էր դանակով հարվածել 16-ամյա Արթուր Ա.-ին: Այս մասին տեղեկացնում է ոստիկանության մամլո գրասենյակը: 2008թ. հոկտեմբերի 20-ին, Երեւանի Կոմիտասի անվան պետական կոնսերվատորիայի մոտից Ագրարային քոլեջի սան Արթուր Ա.-ն տեղափոխվել էր հիվանդանոց`կրծքավանդակի մասում ստացած կտրած-ծակած վերքով: Այդ ժամանակ, ըստ բժշկի տեղեկանքի, Արթուր Ա.-ն ի վիճակի չէր եղել հայտարարություն տալու, եւ դանակահարողի ինքնությունը մնացել էր չպարզված: