Երեւան տանող հիմնական ճանապարհները գտնվում են ոստիկանների խիստ հսկողության տակ եւ գրեթե փակ են: Հայ ազգային կոնգրեսի տվյալներով, Աշտարակի Պետավտոտեսչության պահակակետում ՊԱՏ 7 մեքենա է կանգնած, 3 մեքենա Աշտարակ քաղաքում, 2 մեքենա Աշտարակի մուտքի մոտ: Գծից հանված է Ապարանի երթուղայինները, փակած է ճանապարհը Մաստարայում, առաջացել է երթուղայինների կուտակում:  Վանաձորում կանգնեցված է ավտոպարկը, ելքի վրա ավտոմատավորներ են կանգնած: Գործողությունները կոորդինացնում է մարզպետարանի տրանսպորտի վարչության պետ Վարդան Գեւորգյանը: Փակ է ճանապարը Սպիտակի Արագած գյուղի մոտ, Կոշի քարհանքի մոտ փակել են ճանապարհը և մարդկանց չեն թողնում առաջանալ, առաջացել են մեքենաների կուտակում: Խողովակով փակված է Թալինի հիմնական մայրուղին: Փակ է Մարալիկ-Երեւան երթուղին, ներշրջանային ավտոբուսը կանգնացրել են Քարակերտում, ոմանք ոտքով են գալիս: Փարաքարի ճանապարհին ՊԱՏ-ը և Ռազմական ոստիկանությունը ետ է ուղարկում դեպի քաղաք եկող մեքենաները: Արարատից եւ Մասիսից երթուղայինները հանված են, տաքսիները Երեւան մարդ չեն տեղափոխում: Երթուղայինները գծից հանվել են նաև Արտաշատում: «Տեցի կռուգ»-ի ՊԱՏ պահակները ստուգում են բոլոր մեքենաները: Սևանից երթուղայինները Երևան են գալիս բացառապես դատարկ: Արմավիրի ելքի վրա կանգնած են ոստիկանններ`տեսախցիկներվ, նկարահանում են բոլորին, արգելում են ցուցակով: Չենթարկվողներին սպառնում են բաժին տանել: Էջմիածնում երթուղային կամ տաքսի գոյություն չունի, Հերմինե Մանուկյանին աշխատանքի վայրում սպառնացել են աշխատանքից ազատել, եթե գնա հանրահավաք: