Փոխարժեքի լողացող կուրսը խուճապի է մատնել գործարարներին Սննդամթերքի առևտրով զբաղվող գործարարներն այսօր մեկը մյուսի հետևից հերթով փակում էին Գյումրիի կենտրոնական շուկայում գտնվող իրենց խանութները: Պատճառը Կենտրոնական բանկի կողմից փոխարժեքի լողացող կուրսի սահմանումն էր այսօր առավոտյան: Խանութների սեփականատերերը մտադրություն ունեն ապրանքը պահել ու մի քանի օր անց թանկ գնով վաճառել: Հիշեցնենք, որ Գյումրիում այսպիսի նախադեպ տեղի ունեցավ` կապված դոլարի առուվաճառքի հետ: Մի քանի օր առաջ թե' տարադրամի փոխանակման կետերը, թե' բոլոր բանկերը համատարած հրաժարվում էին դոլար վաճառել: Այսօր դոլարը վայրկյան առ վայրկյան թանկանում էր, ժամը 14.00-ի դրությամբ 1 դոլարը վաճառվում էր 410 դրամով, ընդ որում` միայն մոտ ծանոթներին: