Տեսանյութեր
Լուսանկարներ
Ղարաբաղում ուժեղ վերահսկողություն կսահմանվի առեւտրի ասպարեզում
ԼՂՀ վարչապետ Արա Հարությունյանն այսօր խորհրդակցություն է անցկացրել հանրապետության առեւտրային գործունեություն իրականացնող մի շարք ընկերությունների պատասխանատուների հետ: Վարչապետը իշխանությունների դժգոհությունն է փոխանցել ներկաներին առ այն, որ երեկ, դոլարի փոխարժեքի բարձրացման առիթով, առանձին առեւտրային կետեր դադարեցրել են իրենց աշխատանքը՝ խուճապային տրամադրություն հարուցելով բնակչության շրջանում:
Որոշ խանութներում կտրուկ բարձրացվել են առանձին ապրանքատեսակների գները, ինչը ներկա պահին հիմնավորված շուկայական քայլ չի կարող բնութագրվել: Կառավարության ղեկավարը պարզաբանել է, որ դոլարի փոխարժեքը, ինչպես եւ սպասվում էր, բարձրացել է 15-20%-ով, եւ համապատասխան գնաճ կարող է լինել ներկրվող որոշ ապրանքատեսակների գծով: Ա. Հարությունյանն անթույլատրելի է համարել այն տնտեսվարողների նկրտումները, ովքեր փորձում են օգտվել իրավիճակից եւ ստանալ գերշահույթ:
Առեւտրային գործունեություն իրականացնող ընկերությունների առջեւ խնդիր է դրվել՝ շարունակել իրենց բնականոն գործունեությունը եւ բացատրական աշխատանք տանել հաճախորդների շրջանում:
«Բարձր թանկացումներ չեն լինի»,- հայտարարել է վարչապետը£ Նա հարկային եւ տնտեսական մրցակցության հարցերով զբաղվող մարմիններին հանձնարարել է ուժեղ վերահսկողության տակ առնել առեւտրի շուկան£
Այս մասին հայտնում է ԼՂՀ կառավարության տեղեկատվության եւ հասարակայնության հետ կապերի վարչությունը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել