Արամ Խաչատրյանի «Սպարտակ» բալետը կբեմադրվի Հայաստանում: Բալետի նոր բեմադրությունն իրականացնելու համար Մշակույթի նախարարության հրավերով Հայաստանում է ԽՍՀՄ ժողովրդական արտիստ, Սոցիալիստական աշխատանքի հերոս, Լենինյան և պետական մրցանակների դափնեկիր, աշխարհահռչակ բալետմեյստեր Յուրի Գրիգորովիչը: Նախագահի մամլո ծառայության փոխանցմամբ` «Սպարտակի» բալետային խմբի փորձին այսօր ներկա է եղել Սերժ Սարգսյանը: Փորձը դիտելուց հետո երկրի ղեկավարն ասել է. «Մեր պարողներն անպայման հաջողության կհասնեն, քանի որ նրանց հետ է աշխարհահռչակ վարպետն ու նրա համոզվածությունը»: