Օրերս ԼՂՀ պաշտպանության բանակի 24 զինծառայողների ընտանիքներ Մարտակերտ շրջկենտրոնում բնակարանամուտ տոնեցին: Բնակարանամուտի արարողությանը ներկա էր ԼՂՀ նախագահ Բակո Սահակյանը, վարչապետ Արա Հարությունյանը, պաշտպանության, քաղաքաշինության նախարարները եւ այլ պաշտոնատար անձինք: Զինծառայողների բնակարաններում ստեղծված են բոլոր պայմանները, իսկ ՊԲ-ի կողմից այդ օրը զինծառայողների ընտանիքները նաեւ կենցաղային տեխնիկա նվեր ստացան: Նախագահն այցելեց նաեւ շրջանի Մատաղիս գյուղ՝ ծանոթանալու ՊԲ 36 զինծառայողների համար կառուցվող բնակարանների շինարարության ընթացքին: Շինարարների հավաստմամբ, բնակարանները պատրաստ կլինեն այս տարվա նոյեմբեր ամսին: Հիշեցնենք, որ 2008 թվականին ընդհանուր առմամբ բնակարան է տրամադրվել ՊԲ 131 զինծառայողի: