Արդեն մի քանի օր է, ինչ wikipedia.org ինտերնետային կայքէջի հանրագիտարանում տեղադրված է ԱԺ նախագահ Հովիկ Աբրահամյանի լուսանկարն ու նրա մասին տեղեկատվություն: Նշվում է, որ 2008թ սեպտեմբերի 29-ին ուժային մեթոդներով «ընտրվել է» Աժ նախագահ. նրա թեկնածությանը «կողմ էին»  75 պատգամավորներից 110-ը: Շքանշանների բաժնում  նշվում է, թե Հովիկ Աբրահամյանը 1986թ պարգեւատրվել է «Լավագույն ավտո լվացողը Հայաստանում», 2003թ` «Կրիմինալի հետ համագործակցության ամրապնդման», 2004թ` «Կրծողների պաշհպանության», իսկ 2006թ էլ` «Փոխվարչապետի շքանշան» մեդալներով: Նաեւ նշվում է. Հովիկ (Մուկ)  Աբրահամյանը, մականունը`   «Մխչյանի Մուկ»  ծնված  1958թ հունվարի 24-ին Արտաշատի Մխչյան գյուղում, հայազգի կրիմինալ քաղաքական գործիչ է: Ի դեպ, էջը մեկ հայտնվում մեկ անհետանում է: